З'явіліся фота Анджэя Пачобута ў Гродне

Анджэй Пачобут дабраўся да Гродна і апублікаваў у сваіх сацсетках фота адтуль. Экс-палітвязень сфатаграфаваўся на набярэжнай і падпісаў здымак: "Над Нёманам".

Яшчэ адзін фатаздымак Пачобута з набярэжнай у Гродне апублікаваў у сацсетках намеснік рэдактара Gazeta Wyborcza Барташ Вяліньскі.

8 верасня Анджэй Пачобут, як і абяцаў, вярнуўся з Польшчы ў Беларусь. Ён плануе прабыць у Беларусі тыдзень.

Каментуючы паездку Пачобута на радзіму, Святлана Ціханоўская і праваабаронца Алесь Бяляцкі заклікалі не забываць, што рэпрэсіі працягваюцца і для іншых палітуцекачоў такая паездка можа быць небяспечнай.