Топ-5: навіны 5 траўня

Міністр унутраных спраў пракаментаваў скандал у крычаўскай міліцыі

МУС правяло службовую праверку скандальнай сітуацыі ў Крычаўскім раённым упраўленні ўнутраных спраў. Пра гэта ў пятніцу паведаміў міністр унутраных спраў Ігар Шуневіч.

Паводле яго слоў, яшчэ адна праверка прызначаная з нагоды распаўсюджаная інфармацыі ў СМІ.

Тым часам, маральна-псіхалагічны клімат у крычаўскай міліцыі міністр унутраных спраў ацаніў як даволі спакойны.

Нагадаем, некалькі міліцыянтаў Крычаўскага РАУС на чале з падпалкоўнікам Ігарам Вусікам напісалі зварот да Ігара Шуневіча і выступілі ў незалежных СМІ. Яны заявілі, што іх прымушаюць выконваць "план па парушэннях" і вяртаць прэміі.

Расія пачне лічыць авіярэйсы з Беларусі міжнароднымі

Адбудзецца гэта з 15 траўня.  Тым не менш, памежны кантроль беларусы, якія прыляцяць гэтымі рэйсамі, праходзіць не будуць. Таксама адзнакі пра перасячэнне мяжы ў пашпарце прастаўляць не будуць.

Адзінае новаўвядзенне — трэба захоўваць пасадачны талон, які ў пасажыраў запатрабуюць у расійскіх аэрапортах. Адзнакі пра перасячэнне мяжы ў пашпарце прастаўляць не будуць.

Адзначым, што дзеянні Масквы з’яўляюцца рэакцыяй на ўвядзенне Беларуссю пяцідзённага бязвізавага рэжыму ўезду для грамадзян 80 краін свету праз Нацыянальны аэрапорт “Мінск”. 

У Беларусі прыведзены ў выкананне чарговы смяротны прысуд

“Праваабаронцы супраць смяротнага пакарання ў Беларусі” паведамляюць, што быў расстраляны 34-гадовы жыхар Гомеля Сяргей Вострыкаў, летась прызнаны вінаватым у двух асобных выпадках згвалтавання і забойства.

Вядома, што ў мінулым годзе ў нашай краіне былі расстраляныя 4 чалавекі.