Вы тут

"Справу Белгазпрамбанка", па якой праходзіць Бабарыка, перадалі ў Вярхоўны суд

Віктар Бабарыка знаходзіцца за кратамі з чэрвеня 2020-га / Еўрарадыё

"Справу Белгазпрамбанка", па якой праходзіць былы кіраўнік праўлення гэтага банку Віктар Бабарыка, перадалі ў Вярхоўны суд. Расследаваннем займалася Следчае ўпраўленне КДБ. Генпракуратура "прыйшла да высновы аб ўсебаковым і аб'ектыўным даследаванні яго абставінаў, поўным адпаведнасці абвінавачванні сабраным па справе доказам".

Сем фігурантаў справы знаходзяцца пад вартай (у тым ліку і Бабарыка), адзін — пад хатнім арыштам. Экс-старшыню праўлення "Белгазпрамбанка" вінавацяць у атрыманні хабару арганізаванай групай у асабліва буйным памеры і "адмыванні" грошай, атрыманых злачынным шляхам у асабліва буйным памеры. Адвакат Дзмітрый Лаеўскі заявіў, што абвінавачванне не даказанае.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.