У рэгіёнах таксама судзяць удзельнікаў "маўклівай акцыі"
У Гомелі суда чакаюць пяць удзельнікаў “маўклівай” акцыі пратэсту.
Гэта Белас, Усціменка, Паноў, Самародаў, Ярмоленка. Іх вінавацяць у дробным хуліганстве. Мінулую ноч яны правялі ў ізалятары часовага ўтрымання, перадае Радыё "Свабода".
У Салігорску прызначаныя суды над затрыманымі Андрусём Тычынам, Валянцінам Федзюком, братамі Іванам і Іллём Шыламі ды іх бацькам Уладзімірам. Іх вінавацяць у лаянцы матам і ўдзеле ў несанкцыяванай акцыі. Усе пяцёра правялі ноч за кратамі.
У Брэсце суды пачнуцца 1 ліпеня. Пратаколы аб адміністрацыйных парушэннях складзеныя на 53 чалавек. Агулам жа затрыманых у Брэсце, па звестках праваабаронцаў, было 75 чалавек.