У Гродне праз суд ліквідуюць фонд "Крэўскі замак"
Крэўскі замак / newgrodno.by
Гэты фонд 18 гадоў дапамагаў захоўваць спадчыну Крэва.
Гродзенскі абласны суд на 16 чэрвеня прызначыў ліквідацыю мясцовага дабрачыннага фонду "Крэўскі замак", піша hrodna.life. Пазоўнікам выступае галоўнае ўпраўленне юстыцыі Гродзенскага аблвыканкама.
Фонд ладзіў валанцёрскія летнікі ў Крэве, дзе размешчаны адзін з самых старажытных беларускіх замкаў. Таксама ён займаўся арганізацыяй культурных акцый у Крэве ды іншых населеных пунктах.
Арганізацыя зарэгістраваная ў 2005 годзе ў вёсцы Крэва Смаргонскага раёна. У 2020 і 2021 годзе фонд арганізоўваў у Крэве археалагічныя экспедыцыі.
Масавая ліквідацыя грамадскіх арганізацый у Беларусі цягнецца з ліпеня 2021 года.
