Расійскія вайсковыя вучэльні шукаюць курсантаў праз беларускія раёнкі
Курсанты ў Расіі / ria.ru
Некалькі беларускіх раёнак сінхронна далі абвесткі пра дадатковы набор у расійскія вайсковыя ВНУ, заўважылі праваабаронцы.
Бялыніцкая "Зара над Друццю", "Ашмянскі веснік" і валожынская "Працоўная слава" напісалі пра дадатковы набор у расійскія вайсковыя ВНУ "ў інтарэсах Узброеных Сіл Беларусі". Дадатковую інфармацыю прапаноўваецца ўдакладніць у мясцовым камісарыяце.
Ваўкавыскі партал "Наш Час" апублікаваў табліцу з назвамі расійскіх ВНУ і патлумачыў, што гэта канчатковы прафадбор на базе Ваеннай акадэміі РБ. А ў "Светлагорскіх навінах" апублікавалі ўвесь спіс расійскіх вайсковых ВНУ, якія праводзяць набор сярод беларусаў:
Вайсковая акадэмія сувязі (С.-Пецярбург);
Міхайлаўская вайсковая артылерыйская акадэмія (С.-Пецярбург);
Яраслаўская вышэйшая вайсковая вучэльня супрацьпаветранай абароны;
Вайсковы ўніверсітэт радыёэлектронікі (Чарапавец);
Разанская гвардзейская вышэйшая паветрана-дэсантная камандная вучэльня;
Новасібірская вышэйшая вайсковая камандная вучэльня;
Цюменская вышэйшая ваенна-інжынерная камандная вучэльня.
