Парад у Маскве праходзіў на фоне пажару (відэа)
На паўночным усходзе Масквы загарэўся склад. Велічэзны слуп чорнага дыму быў бачны за некалькі кіламетраў.
Падчас святочнага параду ў Маскве ў небе гледачы заўважылі вялікі слуп дыму, які ішоў з паўночнага ўсходу расійскай сталіцы. Як высветлілася, па невядомай прычыне загарэўся двухпавярховы склад, плошчай больш за 500 квадратных метраў.
На месца здарэння быў накіраваны пажарны верталёт, перадае ТАСС. Туды было накіравана больш за 20 адзінак спецтэхнікі і 60 пажарных. Паведамленне аб узгаранні паступіла ў МНС у 08:02 па маскоўскім часе. Зараз пажар лакалізаваны.
