Па Варшаўскім мосце на беларуска-польскай мяжы бегаў голы мужчына
![Мост на беларуска-польскай мяжы](/sites/default/files/styles/gallery_main/public/2024-07/varsh_most.jpg.webp?itok=WLuA8wp7)
Мост на беларуска-польскай мяжы / sputnik.by
Па Варшаўскім мосце, які размешчаны паміж пунктамі пропуску на беларуска-польскай мяжы, напярэдадні вечарам бегаў голы мужчына. Ён накіроўваўся з Польшчы ў Беларусь, піша "Люстэрка" са спасылкай на чытачоў.
"Што з ім было далей, невядома. Некаторы час польскія пагранічнікі не прымалі транспарт, які рухаўся з РБ", — расказаў чытач. Пра тое, што каля 19.00 польскі бок спыніў прыём аўтамабіляў і аўтобусаў, пісаў і "Віртуальны Брэст". На мост выпускалі толькі тых, хто рухаўся ў напрамку Беларусі. Рух быў адноўлены ў раёне 21.30. Афіцыйна прыпыненне руху на мяжы не каментавалі.
![По Варшавскому мосту на белорусско-польской границе бегал голый мужчина](/sites/default/files/styles/default_image_paragraph/public/paragraphs/image/golyy_muzhchina.jpg.webp?itok=eBAfXtEF)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.