Нямецкаму дэпутату ад "АдГ" пагражае штраф за ўтойванне бізнесу ў Беларусі
![Ёрг Дорнау](/sites/default/files/styles/gallery_main/public/2024-04/niemiec-1904.jpg.webp?itok=gEUGdim9)
Ёрг Дорнау / bild.de
Вялікі штраф пагражае дэпутату саксонскага парламента Ёргу Дорнау, які прадстаўляе ультраправую партыю "Альтэрнатыва для Германіі" ("АдГ"), піша Bild.
Нямецкія журналісты высветлілі, што ён валодае сельскагаспадарчай кампаніяй "Цыбулька-Бел" у Беларусі. "Кампанія апрацоўвае некалькі соцень гектараў у польска-літоўскім памежным раёне Беларусі. Акрамя гародніны, бахчавых і караняплодаў у асноўным вырошчваюць клубняплоды", — гаворыцца ў публікацыі.
Дорнау парушыў парламенцкі рэгламент, не ўказаўшы гэты факт публічна. Калі дэпутаты прызнаюць яго вінаватым, дэпутату пагражае штраф амаль на 42 тысячы еўра.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.