Лукашэнка запрасіў у Палац Незалежнасці герояў Алімпіяды
У аўторак там пройдзе цырымонія ўшанавання медалістаў XXII зімовых Алімпійскіх гульняў у Сочы і іх трэнераў.
Удзел у мерапрыемстве прыме Аляксандр Лукашэнка. Плануецца, што ён уручыць дзяржаўныя ўзнагароды пераможцам і прызёрам, іх трэнерам і іншым спецыялістам.
Як паведамляе БЕЛТА, у Палац Незалежнасці запрасілі таксама сваякоў алімпійцаў. Агулам на ўрачыстасці будзе прысутнічаць каля 200 чалавек.
Нагадаем, што Алімпійскія гульні ў Сочы сталі самымі паспяховымі для беларускай зборнай за ўсю яе гісторыю. Беларусь заваявала шэсць медалёў — 5 залатых і 1 бронзавы. Наша краіна заняла 8-е месца па якасці ўзнагарод.
Ала Цупер, Надзея Скардзіна, Антон Кушнір, Дар'я Домрачава
Фота — БЕЛТА
