Крыніца: “Дынама-Мінск” можа атрымаць трэнера з каманды Лукашэнкі

Аляксей Баранаў у "Юнацтве". Фота: belarushockey.com
Аляксей Баранаў у "Юнацтве". Фота: belarushockey.com

Адміністрацыя хакейнага клуба "Дынама-Мінск" разглядае варыянт завяршэння сезона ў Кантынентальнай хакейнай лізе без легіянераў. У выпадку, калі каманда працягне прайграваць, замежныя хакеісты могуць перайсці ў іншыя клубы КХЛ у абмен на грашовую кампенсацыю. Пра гэта "Еўрарадыё" паведаміла крыніца, знаёмая з сітуацыяй у "Дынама".

Сёння ў складзе "зуброў" выступаюць шведскі брамнік Юнас Энрат, нападаючыя: фін Тэему Пулкінен (лепшы бамбардзір клуба) і канадзец Куінтан Хаўден — і яго суайчыннік, абаронца Патрык Уіркаш. Таксама ў гэтым сезоне за "Дынама" гуляюць чацвёра расіян: абаронцы Ілья Хахлоў і Дзяніс Осіпаў, форварды Дзяніс Казіонаў і Арцём Арцёмаў.

"Дынама" ў 23 матчах пацярпела 18 паразаў, прычым 11 з іх — запар. У актыве клуба ўсяго 14 ачкоў і апошняе месца ў Заходняй канферэнцыі КХЛ. Старшыня федэрацыі хакея Беларусі Генадзь Савілаў анансаваў змены ў трэнерскім штабе "Дынама", а старшыня назіральнага савета клуба, міністр унутраных спраў Ігар Шуневіч на сустрэчы з камандай намякнуў на канкрэтныя дзеянні ў залежнасці ад вынікаў каманды ў бліжэйшых матчах.

3 лістапада "Дынама-Мінск" на сваім ільдзе прайграла "Барысу" з Астаны — 2:3. Гэтае паражэнне можа стаць прычынай замены галоўнага трэнера. На змену канадцу Гордзі Дуайеру сватаюць нападніка каманды Аляксандра Лукашэнкі, ураджэнца расійскай Электрасталі Аляксея Баранава. У бытнасць гульцом ён выступаў на пазіцыі абаронцы ў "Крышталі", пазней гуляў за мінскі "Керамін" і гродзенскі "Нёман". Кар'еру завяршаў у сталічным "Юнацтве", у якім сёння з'яўляецца асістэнтам Міхаіла Захарава.

У 2011 годзе на пытанне: "Калі б не хакей, я б стаў..." — Баранаў прастадушна адказаў: "Бандытам". Добрая ўсё ж такі гульня — хакей. Добра, што яна ёсць.

Источник: “Динамо-Минск” может получить тренера из команды Лукашенко
Алексей Баранов с трофеями. Фото: belarushockey.com

Апошнія навіны

Галоўнае

Выбар рэдакцыі