Год таму загадкава загінуў кіраўнік ПВК "Вагнер" Яўген Прыгожын
Месца, дзе загінуў Прыгожын
Год таму, пасля няўдалага "пахода на Маскву", у авіякатастрофе загінулі кіраўнік ПВК "Вагнер" Яўген Прыгожын яго правая рука Дзмітрый Уткін. Самалёт з імі загадкава ўпаў у Цвярской вобласці Расіі.
Незадоўга да таго Лукашэнка, які быццам бы пасярэднічаў пры перамовах "вагнераўцаў" і Крамля, даў Прыгожыну "гарантыі бяспекі".
ПВК "Вагнер" пасля гібелі кіраўніцтва фактычна спыніў дзейнасць у Еўропе. Але найміты застаюцца актыўнымі ў Афрыцы. Яны дапамагаюць тамтэйшым палітыкам утрымліваць уладу ў абмен на доступ да здабычы карысных выкапняў. Нядаўна дзясяткі "вагнераўцаў" загінулі ў Малі, трапіўшы ў засаду паўстанцаў.
