Экс-журналісту сайта Tribuna.com Маслоўскаму далі 15 сутак
Андрэй Маслоўскі / "Трыбуна"
Былы журналіст сайта Tribuna.com Андрэй Маслоўскі атрымаў 15 сутак адміністрацыйнага арышту.
Арышт прысуджаны паводле ч. 2 арт. 19.11 КаАП "Распаўсюд інфармацыйнай прадукцыі, уключанай у рэспубліканскі спіс экстрэмісцкіх матэрыялаў, а роўна выраб, выданне, захоўванне або перавозка з мэтай распаўсюджвання такой інфармацыйнай прадукцыі".
Справа экс-карэспандэнта "Трыбуны" была разгледжана сёння ў Цэнтральным судзе Мінска.
Маслоўскі быў затрыманы 6 верасня, у кватэры журналіста прайшоў ператрус.
Кіраўнік праекта Tribuna.com Максім Бярэзінскі ацаніў затрыманне былога журналіста партала "як спробу біць без разбору".
Маслоўскі з 2010 года працаваў у рэдакцыі спартыўнага партала, які прызнаны экстрэмісцкім у Беларусі. У ліпені 2021 ён звольніўся па пагадненні бакоў.
