У Мінадукацыі расказалі, як у Беларусі пройдуць апошнія званкі і выпускныя
![Выпускныя ў беларускіх школах рэкамендавана правесці 10 чэрвеня / БЕЛТА](/sites/default/files/styles/gallery_main/public/2023-08/vypusk_20_05.jpg.webp?itok=GKWJBd2b)
Выпускныя ў беларускіх школах рэкамендавана правесці 10 чэрвеня / БЕЛТА
Міністэрства адукацыі не рэкамендуе праводзіць выпускныя вечары сёлета па-за школай на якіх-кольвек "забаўляльных пляцоўках", паведамляе "СБ-Беларусь сегодня" са спасылкай на кансультанта Галоўнага ўпраўлення выхаваўчай работы і моладзевай палітыкі Міністэрства адукацыі.
Старшакласнікам прапануюць правесці выпускны ў камерным фармаце.
"Гэта можа быць школьны капуснік або закладка алеі, што падкрэсліць сувязь пакаленняў і стане яркім эпізодам", — кажа прадстаўнік міністэрства.
Пры гэтым апошнія званкі пройдуць як звычайна — у выглядзе ўрачыстай лінейкі на адкрытай пляцоўцы каля школы.
Мяркуецца, што апошнія званкі празвіняць у школах 29 траўня, а выпускныя пройдуць 10 чэрвеня.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.