У Instagram — новы флэшмоб. Глядзіце, якую прыгажосць выкладваюць беларусы

У Instagram набраў велізарную папулярнасць флэшмоб This is Belarus. Беларусы завірусілі сацыяльную сетку фотаздымкамі прыгожых мясцін краіны.

Да яго далучылася ўжо больш за 100 тысяч чалавек. Еўрарадыё выбрала для вас некалькі найбольш цікавых фатаграфій.

Адны выкладваюць фота прыроды, іншыя — свае родныя гарады. Хтосьці паказвае сваіх хатніх улюбёнцаў, а хтосьці — дзяцей.

Беларусы ў эміграцыі злавілі настальгію па радзіме, а беларусы ўнутры краіны здзівіліся яе прыгажосці.

Дзіўна, але чэлендж падтрымалі як беларускія дэмакратычныя сілы, так і праўладныя структуры. Самі таго не падазраючы, падзеленыя з 2020 года беларусы аб'ядналіся.