Сяргей Рутэнка захварэў і не згуляе супраць харватаў
Гандбольная зборная Беларусі вымушаная праводзіць сёння стартавы матч на чэмпіянаце Еўропы ў Даніі без свайго капітана.
Як паведамляе "Прессбол", мінулай ноччу ў Сяргея Рутэнкі раптоўна павысілася тэмпература — да 39 градусаў. Медычны штаб зборнай не бачыць магчымасці падрыхтаваць яго да выхаду на пляцоўку.
Адзначым, што зборная Харватыі — бронзавы прызёр мінулага кантынентальнага першынства. Без Рутэнкі, гульца "Барселоны", беларусам будзе цяжка супрацьстаяць такому грознаму саперніку.
Жывая трансляцыя сённяшняга матча Беларусь — Харватыя запланаваная на тэлеканале "Беларусь-2", пачатак у 19.55.
Фота — БЕЛТА
