Следчы камітэт правярае абставіны траўмавання рабочага на будаўніцтве АЭС
![Следчы камітэт правярае абставіны траўмавання рабочага на будаўніцтве АЭС](/sites/default/files/styles/gallery_main/public/2023-08/000019_d2fa0c66ab881c7c43257ed90030289b_767744.jpg.webp?itok=U4jgUzkJ)
Следчы камітэт правярае абставіны траўмавання рабочага на будаўніцтве Беларускай АЭС у Астравецкім раёне. Няшчасны выпадак адбыўся 2 снежня. Мужчына спатыкнуўся на лесвіцы і ўпаў, атрымаў пералом сцягна, пагрозы яго жыццю няма, паведаміў БЕЛТА афіцыйны прадстаўнік УСК па Гродзенскай вобласці Сяргей Шаршаневіч.
Нядаўна ў СМІ з'яўлялася неафіцыйная інфармацыя пра гібель на будаўніцтве АЭС рабочага. Аддзел інфармацыі і грамадскіх сувязяў рэспубліканскага ўнітарнага прадпрыемства "Беларуская атамная электрастанцыя" ў сераду пракаментаваў сітуацыю. Было афіцыйна заяўлена, што гэта не адпавядае сапраўднасці.
Трагічныя выпадкі на будаўніцтве АЭС здараліся раней.У жніўні 2016 года 43-гадовы мантажнік загінуў ад траўмавання металічным балонам.