Сечын распавёў Пуціну пра вынікі перамоў па нафце з Лукашэнкам

Сечын быў у Мінску 18 лютага. Па адной з версій, ён сустракаўся з Лукашэнкам на даручэнне Пуціна. Яны абмяркоўвалі сітуацыю з пастаўкамі расійскай нафты ў Беларусь. З 1 студзеня яны істотна скараціліся — замест 2 млн тон было пастаўлена толькі 500 тысяч тон. Аляксандр Лукашэнка папярэдзіў, што пры паўтарэнні такой сітуацыі ў лютым, наша краіна пачне браць "чорнае золата" з транзітнай трубы.

Вынікі перамоваў Лукашэнкі і Сечына так і не былі агучаны. Застаецца спадзявацца, што пра іх раскажа беларускі кіраўнік падчас адной са сваіх паездак па рэгіёнах Беларусі.

Напярэдадні стала вядома, што Беларусь праз трэйдэраў без прэміі купіла 160 тысяч тон расійскай нафты. У сакавіку два танкеры прыбудуць у Клайпеду, а далей нафту па чыгунцы прывязуць у нашу краіну.