Праваабаронцы ствараюць ініцыятыву па вызваленні ўсіх палітвязняў
СІЗА ў Баранавічах
Пра стварэнне грамадзянскай ініцыятывы "Вызваленне-2020" было абвешчана напярэдадні на сустрэчы родных палітвязняў.
Новая арганізацыя будзе вырашаць некалькі задач. Па-першае, будзе інфармаваць беларусаў і міжнародную супольнасць аб праблеме. Па-другое, стане пляцоўкай для родных палітвязняў, дзе яны змогуць мець зносіны, атрымліваць падтрымку і дапамогу.
Праваабаронцы прызналі палітвязнямі ў Беларусі каля ста чалавек.
"Ініцыятары кампаніі звяртаюцца да ўсіх сваякоў палітычных зняволеных далучацца як мага хутчэй", — гаворыцца ў паведамленні, апублікаваным на сайце пазбаўленага рэгістрацыі праваабарончага цэнтра "Вясна".
Поўны спіс палітвязняў з адрасамі, куды ім можна пісаць, размешчаны тут.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
