У Мінску садзіўся самалёт авіякампаніі Air China Барселона — Шанхай
Перад гэтым Airbus A330-243 зрабіў некалькі кругоў у раёне Барысава і Радашковічаў.
19 чэрвеня ў Нацыянальным аэрапорце "Мінск" здзейсніў незапланаваную пасадку самалёт авіякампаніі Air China, які выконваў рэйс з Барселоны ў Шанхай. Пасадка адбылася ў 17:20 і прайшла паспяхова. Борт CCA840 знаходзіўся на запасной паласе, паведамілі Еўрарадыё ў службе даведкі аэрапорта. Перад гэтым A330-243 зрабіў некалькі кругоў у раёне Барысава і Радашковічаў, каб спаліць лішняе паліва. Пасля стала вядома, што самалёт працягнуў палёт. Пра прычыну пасадкі ў Мінску не паведамляецца.
Дапамога ратавальнікаў у аэрапорце Мінска не патрабавалася, паведамляе афіцыйны акаўнт МНС Беларусі ў "Твітэры":
В 17:20 борт благополучно приземлился в нашем аэропорту, помощь МЧС Беларуси не запрашивалась, иных подробностей об этом рейсе у меня нет. pic.twitter.com/c9VhjtPeZ6
— 112.by МЧС Беларуси (@112by) 19 июня 2018 г.