Кіраўнік Ryanair прагназуе Еўропе гістарычны рост цэн на авіяквіткі

Рост цэнаў на авіябілеты ў Еўропе ў наступным годзе будзе "самым вялікім за ўсю гісторыю", піша Reuters, спасылаючыся на меркаванне кіраўніка папулярнага еўрапейскага лоўкостэра Ryanair.

Генеральны дырэктар авіякампаніі Майкл О'Ліры лічыць, што цэны на білеты вырастуць прыкладна на 20%.

"У наступным годзе ў Еўропе вы ўбачыце рост цэн на авіябілеты, я думаю, на 10, 15, можа быць, 20%. Я б сказаў, што за наступныя 12 месяцаў у Еўропе адбудзецца самае вялікае павышэнне цэн на авіябілеты ў гісторыі", — заявіў О'Ліры на прэс-канферэнцыі ў Бруселі.

Рост цэн на білеты звязаны з ростам кошту авіяцыйнага паліва, якое рэзка падаражэла ў выніку вайны з Іранам.