СК: рабочы загінуў на будаўніцтве мінскага метро
Месца трагедыі / Следчы камітэт
Саракагадовы рабочы загінуў на будоўлі станцыі метрапалітэна ў Мінску, паведамілі ў Следчым камітэце.
Паводле даных следчых, мужчына паслізнуўся і ўпаў на бетоннае дно будаўнічай пляцоўкі з вышыні каля сямі метраў.
На месцы трагедыі працуюць следчыя і супрацоўнікі крыміналістычнага аддзела УСК па Мінску. Яны праводзяць агляд месца здарэння і вымаюць дакументацыю па ахове працы і тэхніцы бяспекі.
У лютым 2022 года рабочы загінуў пры будаўніцтве станцыі метро "Немаршанскі сад", яго засыпала грунтам.
