На парадзе 3 ліпеня праляцяць амаль 40 самалётаў і верталётаў
Каля 40 самалётаў і верталётаў будуць удзельнічаць у парадзе 3 ліпеня, перадае тэлеканал АНТ.
15 з 25 самалётаў прадставіць 116-я чырвонагвардзейская штурмавая авіябаза з Ліды. Лётчыкі праляцяць у трох фігурах — "ромб", "клін" і "пеленг".
На парадзе пакажуць сучасныя мадэлі тэхнікі, якія стаяць на ўзбраенні беларускай арміі.
Акрамя таго, гледачы пабачаць салют на вышыні 250 м і яркі дымавы шлейф у колерах дзяржаўнага сцяга.
На наступным тыдні лётчыкі, якія ўдзельнічаюць у парадзе, перабяруцца на аэрадром у Мачулішчах. Менавіта там пройдзе заключная падрыхтоўка да параду.
