Лукашэнка заявіў, што яго сын Віктар будзе звольнены

Лукашэнка заявіў, што яго сын Віктар будзе звольнены

26 лютага на Алімпійскім сходзе Нацыянальнага алімпійскага камітэта Аляксандр Лукашэнка заявіў, што яго старэйшы сын Віктар Лукашэнка будзе звольнены з пасады памочніка па нацыянальнай бяспецы. Але ў выпадку, калі сход прагаласуе за яго, як за новага прэзідэнта НАК. Прагаласавалі, нягледзячы на тое, што пад санкцыямі Міжнароднага алімпійскага камітэта знаходзяцца абодва Лукашэнкі. Дагэтуль Віктар Лукашэнка быў віцэ-прэзідэнтам НАК. Пасля яго абрання на пасаду прэзідэнта, якую яго бацька займаў амаль 24 гады, пасаду віцэ-прэзідэнта ліквідавалі.

"І, самае галоўнае, шмат вы чуеце размоў: транзіт улады, вось тут цяпер Лукашэнка старэйшаму як мінімум перадасць уладу, ён будзе кіраваць у краіне, цытуе словы Аляксандра Лукашэнкі БЕЛТА. — Я часта казаў, што ў нашай сям'і гэта ніколі не абмяркоўвалася і абмяркоўвацца не можа. Таму што ніводнае маё дзіця прэзідэнтам у Беларусі не будзе пасля мяне".

Ён паабяцаў, што сын ужо "не будзе дзяржаўным служачым", "ён сёння ж будзе звольнены з пасады памочніка прэзідэнта па нацыянальнай бяспецы з усімі вынікаючымі адсюль наступствамі". Віктар Лукашэнка займаў гэтую пасаду больш за 15 гадоў.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі