Літоўскія мытнікі расчараваныя: знайшлі кантрабанду з РБ, але цыгарэт не было

Літоўскія мытнікі знайшлі чарговую кантрабанду з Беларусі. Грузавік вёз будаўнічыя драўляныя канструкцыі для дамоў. Мытнікам было вядома, што ў такіх "трунах" беларусы хаваюць цыгарэты. Якое ж было іх здзіўленне, калі ў схованках упершыню не было цыгарэт, там былі схаваныя брыкеты з пілавіння — 16,6 тоны, паведамляе літоўская Мытная крымінальная служба.

Грузавік і кантрабанда затрыманыя, а кіроўца знаходзіцца пад наглядам — быў унесены грашовы заклад.