Гвалт як культурная норма: чаму беларусы мучаць жывёл
![Надоўга пакідаць сабаку ў клетцы ці на прывязі — гэта таксама жорсткае абыходжанне / Еўрарадыё](/sites/default/files/styles/gallery_main/public/2023-08/2_23.jpg.webp?itok=3KRyyV_k)
Надоўга пакідаць сабаку ў клетцы ці на прывязі — гэта таксама жорсткае абыходжанне / Еўрарадыё
У 2022 годзе ў Беларусі стала з'яўляцца шмат навін пра жорсткае абыходжанне з жывёламі. Выпадкі жудасныя: мужчына выкінуў з акна шостага паверха двух сабак, пенсіянерка дзеля чагосьці ўдарыла аб сцяну ката, які праходзіў міма, дзяўчына-падлетак вельмі моцна збівала сабаку на дзіцячай пляцоўцы. Быў і выпадак, калі сабаку білі, а потым закапалі жыўцом. Міліцыя знайшла нават гадавальнік, які больш падобны да канцлагера, дзе жывёлы гінулі ад змардавання і абязводжвання.
Еўрарадыё спытала ў псіхолага, чаму беларусы так паводзяць сябе. Можа, стала занадта шмат напружання? Выявілася, прычын даволі шмат: ад неадукаванасці да бед з галавой.
Праблемы з культурай і эмпатыяй
![Насилие как культурная норма: почему белорусы мучают животных](/sites/default/files/styles/default_image_paragraph_watermark/public/paragraphs/image/1_136.jpg.webp?itok=woms3USG)
Жорсткае абыходжанне з жывёламі можа быць у любым грамадстве. Рэч не ў беларусах або ў тым, што з імі нешта здарылася, кажа псіхолаг і зоапсіхолаг Кацярына.
— Я б не навешвала гэта на сучасную Беларусь. Магчыма, мы проста сталі больш пра гэта даведвацца, але гэта было заўсёды. У цэлым людзі сталі нават лепш ставіцца да жывёл.
Адкуль тады такія страшныя навіны? Эксперт адзначае, што застаюцца людзі, якім падабаецца гвалт.
— Гэта ляжыць у аснове. Далей можна разбіраць з'яву на складнікі. Першае — нізкі ўзровень культуры і банальная неадукаванасць. Пяць свабод жывёл былі распрацаваныя ў Вялікабрытаніі ў сярэдзіне мінулага стагоддзя, а ў Беларусі на постсавецкай прасторы пра іх практычна ніхто не ведае. Тое самае датычыцца гуманных метадаў навучання.
![Насилие как культурная норма: почему белорусы мучают животных](/sites/default/files/styles/default_image_paragraph_watermark/public/paragraphs/image/3_113.jpg.webp?itok=63kkW-qt)
Некаторыя скідаюць негатыў, крыўдзячы жывёл. Калі аднойчы ад гэтага палягчэла, то ўзрастае імавернасць, што такая практыка замацуецца.
— Яшчэ жывёл успрымаюць як аб'ект, а не як жывых істот. Нібыта яны не адчуваюць эмоцый, але гэта няпраўда. Ёсць людзі, у якіх такім чынам выяўляюцца комплексы. Напрыклад, вельмі шмат баязлівых людзей заводзяць "небяспечных" сабак, правакуюць іх на агрэсію, а потым "утаймоўваюць".
Плюс жывёлы ад нас абсалютна залежаць. Мы літаральна распараджаемся іх жыццём і смерцю. І гэтая абсалютная ўлада можа разбэшчваць. З'яўляецца комплекс Бога, адпаведна, людзі пачынаюць здзекавацца з жывёл. І ёсць банальны садызм. Калі атрымліваюць задавальненне ад таго, што прычыняюць пакуты іншым істотам, — працягвае Кацярына.
"Б'е — значыць, псіхапат проста"
![Насилие как культурная норма: почему белорусы мучают животных](/sites/default/files/styles/default_image_paragraph_watermark/public/paragraphs/image/5_36.jpg.webp?itok=DxVAnJqb)
Калі гаворка ідзе пра дарослага чалавека, які лічыць, што крыўдзіць жывёл нармальна, то дапаможа толькі закон, адзначае спецыялістка.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.