Чаго Пуцін патрабаваў ад Парашэнкі на саміце ў Мінску

Некаторыя падрабязнасці напружаных перамоваў раскрыў журналістам міністр замежных спраў Францыі Ларан Фабіус. Ён гаворыць, што найбольшыя спрэчкі былі па двух пунктах. Фабіус прыязджаў у Мінск разам з прэзідэнтам Францыі Франсуа Аландам.

"Дыялог з Расіяй быў дастаткова жорсткі", — падкрэсліў французскі міністр. Пасля ён вынес гэтую фразу ў якасці рэзюмэ перамоваў, напісаўшы ў "Твітары" на французскай: "З самага пачатку наша стаўленне было такім: дыялог і цвёрдасць", — паведамляе УНІАН.

"Былі дзве ключавыя праблемы на перамовах — агульны кантроль за ўкраінска-расійскай мяжой і адмысловы статус Данбаса", — гаворыць Ларан Фабіус.

"Словы былі асабліва важныя. Калі ты слухаеш украінцаў, яны настойваюць, што павінен быць толькі тэрмін "дэцэнтралізацыя" (Данбаса)... Бярэ слова Расія і настойвае, што павінна быць аўтаномія", — пераказаў Ларан Фабіус падрабязнасці спрэчак.

"І Украіна, і Расія настойвалі, што гэта — гістарычна, культурна — адпаведна украінскі, альбо расійскі рэгіён", — дадаў дыпламат.

У выніку ва ўзгодненым тэксце не аказалася згадак пра федэралізацыю, або аб аўтаноміі тэрыторый, непадкантрольных Украіне. Ларан Фабіус падкрэсліў, што чакае адводу цяжкага ўзбраення абодвума бакамі. "Адвод ўзбраенняў — гэта адно з ключавых дасягненняў Мінска", — растлумачыў ён.

Фота: ria.ru