Бягуха Крысціна Ціманоўская заваявала ў Польшчы залаты медаль
![Крысціна Ціманоўская / https://www.facebook.com/bssfbel](/sites/default/files/styles/gallery_main/public/2023-08/348821783_2442691359227045_8277769335316502001_n.jpg.webp?itok=nryB6xfq)
Крысціна Ціманоўская / https://www.facebook.com/bssfbel
Бягуха Крысціна Ціманоўская заваявала ў Польшчы залаты медаль. Беларуска перамагла на студэнцкім чэмпіянаце ў Познані. Яна стала першай на дыстанцыі 200 метраў з вынікам 23.33 секунды, паведамляе @zozhteam.
У 2021-м на Алімпіядзе ў Токіа беларуская лёгкаатлетка Крысціна Ціманаўская ў сацсетках абурылася тым, што яе паставілі бегчы іншую дыстанцыю. Кіраўніцтва каманды, спрабуючы замяць скандал, хацела сілай адправіць спартсменку ў Беларусь. Аднак яна звярнулася па дапамогу да японскай паліцыі і міжнароднай супольнасці. У выніку Ціманоўская апынулася ў Польшчы. Пра яе паведамілі ўсе найбуйнейшыя СМІ свету.
Летась Ціманоўская атрымала польскае грамадзянства і магчымасць выступаць у афіцыйных спаборніцтвах. Сёлета яна заняла другое месца на чэмпіянаце ў Польшчы.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.