Санкцыі застаюцца апраўданымі — прэзідэнт Чэхіі пасля сустрэчы з Бяляцкім
Прэзідэнт Чэхіі сустрэўся з Алесем Бяляцкім / фота з акаўнту Петра Павела ў сацсетцы Х
Санкцыі супраць рэжыму Лукашэнкі застаюцца апраўданымі да таго часу, пакуль у краіне арыштоўваюць крытыкаў рэжыму і гвалтоўна душаць грамадзянскія свабоды. Пра гэта прэзідэнт Чэхіі Пётр Павел напісаў у сацсетцы Х пасля сустрэчы з экс-палітвязнем Алесем Бяляцкім.
"Для мяне было гонарам вітаць праваабаронцу і лаўрэата Нобелеўскай прэміі міру Алеся Бяляцкага, які несправядліва правёў больш за сем гадоў у беларускай турме. Мы пагадзіліся, што санкцыі супраць беларускага рэжыму застаюцца апраўданымі датуль, пакуль ён працягвае заключаць у турму сваіх крытыкаў і гвалтоўна душыць грамадзянскія свабоды. Беларусы заслугоўваюць права самастойна вызначаць сваю будучыню — свабодна і без вонкавага ўмяшання", — адзначыў Пётр Павел у сваім допісе.
Ён перадаў словы Бяляцкага, што еўрапейскія краіны не павінны закрывацца ад беларускіх грамадзян — толькі так беларусы змогуць пераадолець навязаную ім ізаляцыю.
Сустрэча чэшскага прэзідэнта з нобелеўскім лаўрэатам, кіраўніком праваабарончага цэнтра "Вясна" Алесем Бяляцкім адбылася ў Празе 16 сакавіка.
It was an honour to welcome human rights activist and Nobel Peace Prize laureate Ales Bialiatski, who unjustly spent more than seven years in a Belarusian prison.
— Petr Pavel (@prezidentpavel) March 17, 2026
We agreed that sanctions against the Belarusian regime remain appropriate as long as it continues to imprison its…
