Брэсцкага ветэрана з Днём Перамогі павіншавалі пратэрмінаваным печывам
![Брэсцкага ветэрана з Днём Перамогі павіншавалі пратэрмінаваным печывам](/sites/default/files/styles/gallery_main/public/2023-08/pajok-1005-1.jpg.webp?itok=p9v7VVv1)
Брэсцкаму ветэрану Аркадзю Бляхеру, які прайшоў ад Сталінграда да Берліна, у гонар Дня Перамогі ўручылі скрынку з сухім пайком, дзе была ўпакоўка пратэрмінаванага печыва. Пра гэта журналістам партала tut.by распавёў унук франтавіка Вадзім Сіманенка.
Як вынікае з налепкі на ўпакоўцы, тэрмін прыдатнасці печыва скончыўся 1 красавіка. Акрамя печыва, у пасылцы былі яшчэ бляшанка тушонкі, пара слоікаў грачанай кашы, некалькі пакуначкаў гарбаты і цукру.
Па словах унука, яго 95-гадовы дзед не зразумеў, хто прынёс падарунак. Ветэран проста выслухаў віншаванні, падзякаваў і прыняў скрынку.
Дарэчы, на самой скрынцы напісана: "Узброеныя сілы. Агульнавайсковы рацыён харчавання".
![Брэсцкага ветэрана з Днём Перамогі павіншавалі пратэрмінаваным печывам](/sites/default/files/paragraphs/image/pajok-1005-2.jpg)
Фота: tut.by