Спартыўны арбітражны суд дапусціў расійскіх хакеістаў на міжнародныя турніры

Спартыўны арбітражны суд (CAS) дазволіў Федэрацыі хакея Расіі удзельнічаць ва ўсіх чэмпіянатах пад эгідай Міжнароднай федэрацыі хакея (IIHF).

Міжнародная федэрацыя хакея расчараваная такім рашэннем і не згодная з ім. У ІІХФ кажуць, што забарона была неабходная для гарантыі бяспекі ўсіх удзельнікаў і забеспячэння цэласнасці спаборніцтваў. Тым не менш федэрацыя будзе выконваць рашэнне суда.

У ІІХФ адзначаюць, што некаторыя турніры знаходзяцца на высокай ступені падрыхтоўкі. Для выканання рашэння арбітражнага суда спатрэбіцца перагледзець фармат спаборніцтваў, расклады, арганізацыю паездак і пражывання, а таксама меры бяспекі. Зрабіць гэта неадкладна немагчыма.

Расійскія спартоўцы трапілі пад міжнародныя санкцыі пасля шырокамаштабнага расійскага ўварвання ва Украіну ў 2022 годзе. Разам з імі ў міжнародны "бан" трапілі і беларусы. Нядаўна Міжнародны Алімпійскі камітэт рэкамендаваў спартовым федэрацыям зняць абмежаванні з беларускіх і расійскіх спартоўцаў.