Барыс Грабеншчыкоў трапіў у рэанімацыю
Расійскага музыку, лідара легендарнага гурта “Акварыум” Барыса Грабеншчыкова шпіталізавалі — ён у рэанімацыі адной з лякарняў Санкт-Пецярбурга. Як паведамляе РБК са спасылкай на расійскія СМІ і сяброў музыкі, прычынай звароту да медыкаў маглі стаць праблемы з сэрцам. У студзені 2009 года Грабеншчыкоў перанёс аперацыю па шунтаванні сэрца.
Па іншых звестках, музыка захварэў на запаленне лёгкіх, а ў рэанімацыю ён трапіў напярэдадні, 3 сакавіка.
