Прысяжныя вынеслі прысуд па справе аб забойстве Тупака Шакура
Тупак Шакур і яго забойца Дуэйн Дэвіс / Калаж Еўрарадыё
Прысяжныя вынеслі прысуд па справе аб забойстве Тупака Шакура. Рашэнне агучылі ў судзе Лас-Вегаса. Дуэйн Дэвіс — былы лідар вулічнай банды — стаў першым чалавекам, якому афіцыйна выставілі абвінавачанне ў забойстве аднаго з самых вядомых рэпераў у гісторыі.
Забойства Тупака доўгі час заставалася адным з самых гучных нераскрытых злачынстваў у гісторыі хіп-хопа. Увечары 7 верасня 1996 года аўтамабіль, у якім знаходзіўся рэпер, расстралялі на адной з вуліц Лас-Вегаса. Тупак атрымаў некалькі цяжкіх раненняў.
Нягледзячы на аперацыю, стан музыканта пагаршаўся. 13 верасня, праз шэсць дзён пасля нападу, Тупак Шакур памёр у лякарні. Яму было 25 гадоў.
Следства па справе працягвалася амаль тры дзесяцігоддзі. У 2023 годзе паліцыя затрымала Дуэйна Дэвіса. Сам ён раней прызнаваў, што знаходзіўся ў аўтамабілі падчас нападу, але заяўляў, што не быў тым, хто страляў.
Цяпер пасля амаль 30 гадоў справа атрымала судовую развязку.
