Адмінам буйной фан-супольнасці Лэдзі Гагі аказаўся беларускі палітвязень
Адмін Кірыл / фота з яго сацсетак
Адміністратар фан-супольнасці Лэдзі Гагі аказаўся беларускім палітвязнем. Пасля доўгай адсутнасці ў сацсетках ён напісаў: "Прабачце, я літаральна быў у турме".
Кірыл расказаў, што яго затрымалі на пачатку 2024 года за ўдзел у пратэстах. Спачатку хлопцу прысудзілі паўтара года калоніі, абвінаваціўшы ў "арганізацыі і падрыхтоўцы дзеянняў, якія груба парушаюць грамадскі парадак". Потым на яго пачалі новую справу, павялічыўшы агульны тэрмін да двух з паловай гадоў. Праваабаронцы прызналі яго палітвязнем.
Супольнасць Gaga Daily мае разам у X, Instagram і Facebook больш за 2 млн падпісчыкаў. Акаўнт Gaga Daily Кірыл адміністраваў з 2009 года. Пакуль ён быў за кратамі, акаўнтам займаліся яго сябры.
Паблік чытала і сама Лэдзі Гага. Спявачка казала: "Калі я хачу паглядзець, што кажуць мае фанаты, я заходжу на Gaga Daily".
Sorry about the lack of updates, I was literally in prison 😭
— Gaga Daily (@gagadaily) September 22, 2026
Kirill here. If you don’t know me, I’m the owner of Gaga Daily, and every social media post you saw from 2009 through 2024 was from me. I never use this account to post anything personal, but I feel like I owe you all…
