Пасля канцэрта Макса Каржа ў Франкфурце пачалі 11 крымінальных спраў

Нямецкая паліцыя пачала 11 крымінальных спраў пасля канцэрта Макса Каржа ў Франкфурце. Пра гэта гаворыцца ў адказе паліцыі на запыт DW.

Падчас і пасля канцэрту рэпера 10 кастрычніка былі затрыманыя 63 чалавекі. У паліцыі кажуць, што іх даглядзелі і праверылі дакументы — гэтыя меры падпадаюць пад часовае абмежаванне волі. У большасці выпадкаў гаворка ішла пра падазрэнні ў нанясенні цялесных пашкоджанняў і супраціве супрацоўнікам паліцыі.

Да арганізатараў канцэрту паліцыя прэтэнзій не мае. Паводле іх, "арганізатар належным чынам выконваў свае абавязкі падчас канцэрту і, у прыватнасці, выдаляў з мерапрыемства асоб, якія парушалі правілы паводзін".

На канцэрт Макса Каржа ў Франкфурце прыехала каля 30 тысяч чалавек. Пасля шоу ў раёне Альт-Заксенхаузен адбыліся сутычкі з паліцыяй, а некаторыя ўдзельнікі кідалі ў сілавікоў бутэлькі. Сам спявак падчас канцэрту заклікаў спыніць вайну ва Украіне, але спыніў фанатаў, якія сталі крычаць абразлівыя лозунгі на адрас Пуціна.