Вы тут

Бараўляны могуць атрымаць статус горада

Вуліца ў Бараўлянах / wikimedia.org​

Аляксандр Лукашэнка лічыць, што Бараўляны трэба вылучаць з Мінскага раёна і ператвараць у горад, паведамляе БЕЛТА.

"Трэба вылучаць Бараўляны з Мінскага раёна, рабіць горадам. Адміністрацыйна з усімі наступствамі. Гэта першаснае пытанне. Мы яго ўжо абмяркоўвалі", — заявіў Лукашэнка.

Ён звярнуў увагу, што насельніцтва Бараўлянаў ужо параўнальнае з буйнымі раёнамі ў краіне. Па словах Лукашэнкі, рашэнне аб змене статусу Бараўлянаў мусіць быць прынятае цягам гэтага і першай паловы наступнага года.

Колькасць жыхароў Бараўлянаў за апошнія гады вырасла з 18 тысяч да 51 тысячы чалавек.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.