Вы тут

З'явілася фота той самай карціны, дзе Лукашэнка і Коля з аўтаматамі

Карціна, пра якую расказваў Аляксандр Лукашэнка / БелТА

У Палацы Незалежнасці выставілі падораную Аляксандру Лукашэнку карціну, пра якую ён распавёў 1 верасня падчас размовы з журналістамі, паведамляе БелТА.

Яе паказалі жыхарам аграгарадка Ціхінічы Рагачоўскага раёна, якія прыбылі на экскурсію ў Палац Незалежнасці.

"Вы фактычна першыя, хто бачыць гэты экспанат. Яе намалявала без якога-небудзь заказу па ўласным загадзе душы дачка аднаго з супрацоўнікаў Службы бяспекі", — перадае словы прэс-сакратара Лукашэнкі Наталля Эйсмант, якая праводзіла экскурсію для ураджэнцаў Гомельскай вобласці. Як распавяла экскурсавод, аўтар карціны малявала яе каля паўгода, а потым падарыла яе Лукашэнку, які даручыў размясціць яе ў Палацы Незалежнасці.

Гэта не першая карціна, у якой героем становіцца Аляксандр Лукашэнка. У 2019 і 2020 гадах Менская студэнтка Надзея Маціеўская, якая піша карціны грудзьмі, намалявала партрэты Лукашэнкі. Карціны да Лукашэнкі не трапілі, іх купілі праз інтэрнэт.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.