Заўтра зямляне пабачаць на небе "крывавы Месяц" (відэа)
Гэта рэдкая астранамічная з'ява, час, калі поўнае месячнае зацьменне супадзе з узыходам або заходам Сонца.
Спачатку Месяц заходзіць у цень нашай планеты, а пасля выходзіць з яго. Пры гэтым спадарожнік Зямлі можа "свяціцца" рознымі адценнямі чырвонага, паколькі нават у перыяд поўнага зацьмення працягвае асвятляцца.
Як адзначае РІА "Новости", пабачыць "крывавы Месяц" змогуць жыхары Аўстраліі, Паўднёва-Заходняй Азіі, жыхары ўзбярэжжа Ціхага акіяну. Беларусы, на жаль, гэтай астранамічнай з'явы не пабачаць.
Фота — Reuters
