За суткі літоўскія памежнікі вярнулі ў Беларусь 19 мігрантаў
![За суткі літоўскія памежнікі вярнулі ў Беларусь 19 мігрантаў](/sites/default/files/styles/gallery_main/public/2023-08/neteiseti-migrantai-lietuvos-baltarusijos-pasienyje-87780883.jpg.webp?itok=rq8vrrjG)
За суткі літоўскія памежнікі вярнулі ў Беларусь 19 мігрантаў (у мінулыя суткі вярнулі 11 чалавек, нікога не затрымлівалі). Дваіх чалавек прынялі па гуманітарных прычынах. Падрабязнасці не паведамляюцца, адзначае Delfi.
Мігранты спрабавалі перайсці мяжу ў чатырох кропках — пад Друскенінкаем, у Вільнюскім, Варэнскім і Швенчонскім раёнах. Падкрэсліваецца, што літоўскія памежнікі і вайскоўцы, якія ім дапамагаюць, "не выкарыстоўвалі службовую зброю, спецсродкі і фізічны гвалт".
Літва спадзяецца вярнуць мігрантаў (а гэта пераважна іракцы) на радзіму. Першы з іх ужо выляцеў у Стамбул. Агулам сёлета літоўскімі памежнікамі было затрымана больш за 4 тысячы чалавек, якія прыйшлі з Беларусі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.