Улады Шчучына адклікалі дазвол на правядзенне намётавага фэсту "Раса"

Улады Шчучына адклікалі дазвол на правядзенне намётавага фэсту "Раса"

Улады Шчучына адклікалі ранейшы дазвол на правядзенне намётавага фэсту "Раса", піша TUT.by. Цяпер арганізатары шукаюць новае месца і вызначаюць новыя даты.

Фэст "Раса" меркавалася правесці з 29 чэрвеня па 4 ліпеня на аэрадроме пад Шчучынам. Арганізатары называюць яго беларускім аналагам вядомага амерыканскага фэсту ў пустыні Невада. Праводзіць яго планавалі цягам шасці дзён. 

Ідэя фэсту ўзнікла падчас закрытых межаў. Арганізатары планавалі, што беларусы самі будуць арганізоўваць на фестывальнай пляцоўцы свой побыт і вольны час. Меркавалася, што на гэтай пляцоўцы зомгуць размясціцца намётавыя лагеры, зоны актыўнасці і фудкорт, "а таксама самалёты і верталёты малой авіяцыі, якімі можна будзе скарыстацца на фестывалі".

Аднак цяпер шчучынскія ўлады адмовіліся ад ранейшага ўзгаднення праекта. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі