У забітых дзікоў не знайшлі свіной чумы
Прынамсі, усе забітыя на Лунінеччыне дзікі не былі носьбітамі афрыканскай чумы свінняў.
Як паведамляе інтэрнэт-партал “Медыя-Палессе”, са снежня мінулага года па сённяшні дзень на тэрыторыі паляўніча-рыбацкай гаспадаркі “Лунінец” было ўпалявана 120 дзікоў. Яшчэ 24 жывёліны былі забітыя за гэты перыяд у Лунінецкім лясгасе. Паводле інфармацыі адпаведных службаў, ва ўсіх забітых дзікоў не было выяўлена аніводнага выпадку афрыканскай чумы свіней.
Аднак для выканання пастановы Савета міністраў №758 аб дадатковых мерах па ліквідацыі і прыпыненні распаўсюду АЧС “генацыд” дзікоў усё адно будзе працягвацца.
Нагадаем, што ачагі афрыканскай чумы свіней былі зафіксаваныя ў Беларусі летась. Для людзей захворванне бяспечнае.
Фота — nastol.com.ua
