У ПВК Вагнера кажуць, што не ўдзельнічаюць цяпер у вайне супраць Украіны
![Вагнеравец, ілюстрацыйнае фота](/sites/default/files/styles/gallery_main/public/2023-09/vag.jpg.webp?itok=VA-0kQfD)
Вагнеравец, ілюстрацыйнае фота / sb.by
Супрацоўнікі ПВК Вагнера не ўдзельнічаюць у вайне супраць Украіны і прысутнічаюць толькі ў Афрыцы і Беларусі. Пра гэта гаворыцца ў афіцыйным тг-канале скандальна вядомая прыватнай ваеннай кампаніі.
"Падраздзяленняў ПВК няма ні ў Расгвардыі, ні ў шэрагах Міністэрства абароны Расіі, ні дзе-небудзь яшчэ", — гаворыцца ў заяве. Прадстаўнікі ПВК абяцаюць дадаткова абвясціць, калі сітуацыя зменіцца.
Заява з'явілася пасля таго, як МЗС Украіны абвінаваціў рэжым Лукашэнкі ў нарошчванні на мяжы вайскоўцаў, узбраення і тэхнікі пад выглядам вучэнняў.
У МЗС Украіны кажуць, што афіцыйны Мінск размясціў у Гомельскай вобласці танкі, артылерыю, рэактыўную сістэму залпавага агню, сродкі СПА і інжынерную тэхніку. Таксама ўкраінскі бок заявіў пра наяўнасць каля мяжы наймітаў, якія раней былі ў ПВК Вагнера.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.