У Нацыянальным аэрапорце Мінск аварыйна сеў самалёт Transaviabaltika
Паштовы самалёт аварыйна сеў па тэхнічных прычынах.
У Нацыянальным аэрапорце Мінск аварыйную пасадку здзейсніў паштовы самалёт Transaviabaltika, інфармуе БЕЛТА са спасылкай на прэс-службу аэрапорта.
Інцыдэнт адбыўся 24 ліпеня каля 9.30. Самалёт кампаніі Transaviabaltika рабіў паштовы рэйс Вільня-Мінск. Пасадка адбылася па тэхнічных прычынах. "Была выканана эвакуацыя паветранага судна", — кажуць у прэс-службе аэрапорта.
Пацярпелых пры аварыйнай пасадкцы няма, сам самалёт пашкоджанняў не атрымаў.