У Маскве першым новы айфон купіў чалавек, які стаяў у чарзе 247-м
У Маскве стартавалі продажы новых айфонаў — iPhone XS і XS Max. Як паведамляе тэлеканал "Дождь", першым пакупніком новага айфона стаў чалавек, які стаяў у чарзе 247-м.
Першыя 246 чалавек у чарзе, як выявілася, не планавалі купляць аргтэхніку. Яны меркавалі прадаць свае месцы, але ахвочых не знайшлося.
Дарэчы, чарга па новыя айфоны ў Маскве стварылася за пяць дзён да пачатку продажаў.
