У Брэсце невядомы напаў на пікет у падтрымку Таццяны Караткевіч
Мужчына сарваў сцяг Беларускай сацыл-дэмакратычнай партыі (Грамада), але збег да прыбыцця міліцыянтаў.
У Брэсце сябры ініцыятыўнай групы за вылучэнне на пасаду прэзідэнта Таццяны Караткевіч сутыкнуліся з непрыемным інцыдэнтам. Як паведамляе праваабарончы сайт "Вясна", здарэнне адбылося 8 жніўня на вуліцы Савецкай.
На пікеце ішоў збор подпісаў у падтрымку Таццяны Караткевіч, калі да яго нечакана падбег незнаёмы пікетоўцам мужчына. Ён сарваў партыйны сцяг Беларускай сацыл-дэмакратычнай партыі (Грамада), які знаходзіўся побач. Мужчына спрабаваў перашкодзіць збору подпісаў, лаяўся і абражаў удзельнікаў пікету. Але калі яны выклікалі міліцыю, то мужчына збег, не чакаючы прыбыцця міліцыянтаў.
Дарэчы, раней напады на пікеты альтэрнатыўных кандыдатаў у прэзідэнты былі зафіксаваныя ў Гродне і Наваполацку.
Фота: spring96.org
