У Барысаве трыбуны скандавалі "Жыве Беларусь! Слава Украіне!" (відэа)
На "Барысаў-Арэне" ўвечары 9 кастрычніка прайшоў адборачны матч футбольнага чэмпіянату Еўропы паміж зборнымі Беларусі і Украіны. Госці выйгралі — 2:0.
Фанаты (беларускія і ўкраінскія) ў сярэдзіне першага тайма спявалі "Купалінку", а пасля гучна скандавалі: "Жыве Беларусь!", "Слава Украіне! Героям слава!". Гэта добра было чуваць у тэлетрансляцыі, якую вёў тэлеканал "Беларусь 2".
А пачалося ўсё з таго, што ўкраінскія фанаты праспявалі вядомую песню пра Пуціна.
Фота стадыёна — ФК БАТЭ
