У Акадэміі навук затрымалі экс-старшыню ТБМ Алену Анісім
Алена Анісім / Еўрарадыё, архіўнае фота
Як стала вядома Еўрарадыё, 17 траўня ў Акадэміі навук затрымалі Алену Анісім — экс-старшыню Таварыства беларускай мовы (ТБМ), ліквідаванага ўладамі. Прычына затрымання пакуль невядомая.
Алена Анісім — супрацоўніца Інстытута мовазнаўства імя Якуба Коласа. Затрыманне адбылося ў яе на працы.
У 2016 годзе Анісім стала дэпутаткай Палаты прадстаўнікоў.
У лістападзе 2021-га ТБМ было ліквідаванае ўладамі ў шэрагу іншых грамадскіх арганізацый.
