TUT.by: Лукашэнка патрабаваў паставіць Ермакову кіраўніцай "Белгазпрамбанка"

У снежні Нацбанк ухваліў чатырох новых чальцозў праўлення, прапанаваных акцыянерамі. Усе яны былі з ліку супрацоўнікаў банка. Аднак пасля гэтага з'явіліся чуткі, быццам у студзені іх могуць адклікаць атэстацыю, калі кіраваць "Белгазпрамбанкам" будзе не Ермакова. 

"Паводле нашай інфармацыі, ёсць рэзалюцыя Лукашэнкі, які рэзка настаяў на неабходнасці выконваць яго кадравыя рашэнні па банку, падкрэсліўшы, што пытанне "ўзгодненае з прэзідэнтам Расіі", — дадае суразмоўца TUT.by.

Паведамляецца, быццам беларускія ўлады звязалі пралангацыю выдадзеных банку стабілізацыйных крэдытаў з прызначэннем Ермаковай. У перамовах буў задзейнічаны амбасадар Расіі ў Беларусі Дзмітрый Мезенцаў. У выніку была прынятая кандыдатура Ермаковай.

Крыніца TUT.by называе такое рашэнне нелагічным: "Яно здаецца нелагічным з улікам таго, што яшчэ ў чэрвені ў сваім прэс-рэлізе "Газпрам" і "Газпрамбанк" вельмі адмоўна ацэньвалі ўвядзенне ў "Белгазпрамбанку" часовай адміністрацыі на чале з Ермаковай, паўгода ніяк з ёй не ўзаемадзейнічалі і нават заплацілі за знешні аўдыт яе працы".

Праблемы ў "Белгазпрамбанка" пачаліся пасля таго, як былы старшыня праўлення Віктар Бабарыка вылучыў сваю кандыдатуру на прэзідэнцкія выбары ў траўні 2020 года. У выніку сам ён і шэраг топ-менеджараў апынуліся ў СІЗА КДБ, у банку і афіляваных з ім структурах прайшлі ператрусы.