Топ-5: навіны 6 красавіка

Топ-5: навіны 6 красавіка

Еўрапарламент асудзіў разгон мірных дэманстрантаў у Беларусі

Еўрапарламент асудзіў разгон мірных дэманстрантаў у Беларусі. Гэта адбылося на пасяджэнні, якое прайшло 6 красавіка.

Еўрадэпутаты заклікалі беларускія ўлады вызваліць усіх затрыманых падчас акцый пратэсту, спыніць пераслед незалежных СМІ і грамадзянскай супольнасці.

Акрамя таго, Еўрапарламент адзначыў, што калі афіцыйны Мінск не правядзе аб’ектыўнае расследаванне прысудаў дэманстрантам, то Еўрасаюз можа ўвесці новыя санкцыі супраць Беларусі.

Топ-5: навіны 6 красавіка
Фота: nn.by

Беларускія праваабаронцы прызналі Вячаслава Касінерава палітычным зняволеным. Актывіст адбываў 15 сутак адміністрацыйнага арышту за ўдзел у несанкцыянаванай акцыі ў лютым 2017-га, калі стала вядома, што на яго распачалі крымінальную справу па артыкуле “хуліганства”.

Нагадаем, 12 сакавіка ў Мінску Касінераў правёў “акцыю-перфоманс” — каля будынка МУС ён накінуў пятлю на статую паліцэйскага-гарадавога. Адзначаецца, што такім чынам ён пратэставаў “супраць міліцэйскага свавольства і пераследу анархістаў”.

Праваабаронцы лічаць, што дзеянні актывіста з’яўляюцца выказваннем меркавання і не могуць трапляць пад крымінальны пераслед.

Топ-5: навіны 6 красавіка
Фота прадастаўлена аднакурснікамі Аляксандра Зімніцкага

Гісторык Аляксандр Зімніцкі стаў чарговым абвінавачаным па так званай “справе баевікоў”. Яго вінавацяць у “падрыхтоўцы масавых беспарадках. Пра гэта Еўрарадыё паведамілі сябры затрыманага.

Падобныя абвінавачванні раней выставілі яшчэ 16 фігурантам гэтай справы. Літаральна 5 красавіка у падобных дзеяннях абвінавацілі Віктара Данілава і Андрэя Дундукова. Ім пагражае да трох гадоў пазбаўлення волі. Адзначым, што з 30-ці фігурантаў справы 9 чалавек цяпер знаходзяцца на волі.

Топ-5: навіны 6 красавіка

Тэракт, які адбыўся ў метро Санкт-Пецярбурга, паўплываў на перамовы паміж Аляксандрам Лукашэнкам і Уладзімірам Пуціным. Пра гэта кіраўнік Беларусі распавёў у інтэрв'ю тэлеканалу "Мір".

Па словах Лукашэнкі, бакі старанна рыхтаваліся да перамоваў, бо мелі шмат супярэчнасцяў па розных пытаннях, аднак пасля выбуху ў метро на першы план у перамовах выйшлі пытанні бяспекі і абароны, а не нафты і газу.

Топ-5: навіны 6 красавіка
Фота: БЕЛТА

У Мінску сустрэліся памочнікі кіраўнікоў краін “нармандскай чацвёркі”. У яе ўваходзяць Германія, Украіна, Расія і Францыя. Як заявіў прэс-сакратар расійскага прэзідэнта Дзмітрый Пяскоў, Расію ў беларускай сталіцы прадставіў Уладзіслаў Суркоў.

Змест перамоваў не разгалошваецца, але відавочна, што гаворка ішла пра мірнае вырашэнне канфлікту на Данбасе і пра выкананне мінскіх дамоўленасцяў. 

Апошнія навіны

Галоўнае

Выбар рэдакцыі