Топ-5: навіны 1 чэрвеня
![Топ-5: навіны 1 чэрвеня](/sites/default/files/styles/gallery_main/public/2023-08/fur1.jpg.webp?itok=86MTsAaX)
"Кажуць, дальнабойшчыкаў не закране". Беларускія кіроўцы — па-за законам у Расіі
З 1 чэрвеня кіроўцы-замежнікі не могуць працаваць у Расіі без расійскіх правоў. Пад гэтае патрабаванне трапляюць і беларусы, нават не гледзячы на тое, што з’яўляюцца грамадзянамі “саюзнай дзяржавы”.
Цяпер нашых суайчыннікаў у Расіі могуць адхіліць ад працы. А калі зловяць за працай без пасведчання расійскага ўзору, аштрафуюць.
![Топ-5: навіны 1 чэрвеня](/sites/default/files/paragraphs/image/mikhalkou-1805_0.jpg)
З Мікалая і Яна Міхальковых, якія праходзілі па "справе патрыётаў", знялі абвінавачанні. Пра гэта ў каментары Радыё "Свабода" паведаміў адзін з сяброў сям’і.
Нагадаем, бацьку і сына Міхальковых вінавацілі ў падрыхтоўцы масавых беспарадкаў. Іх затрымалі напрыканцы сакавіка. Сын правёў за кратамі месяц, а бацька – амаль два.
![Топ-5: навіны 1 чэрвеня](/sites/default/files/paragraphs/image/al2_0.jpg)
Вакол Святланы Алексіевіч разгарэўся новы скандал.
Гомельская абласная бібліятэка нібыта адмовіла пісьменніцы ў магчымасці правесці сустрэчу з чытачамі.
Як паведамляе тэлеканал “Белсат”, сустрэча мусіла адбыцца на дзень нараджэння Алексіевіч — 31 траўня. Але дырэктар установы не дазволіла такое мерапрыемства.
![Топ-5: навіны 1 чэрвеня](/sites/default/files/styles/round_photo/public/paragraphs/round_photo/000019696260big.jpg.webp?itok=MeSUMTz8)
Аляксандр Лукашэнка заўважыў спад у айчыннай нафтаперапрацоўцы. Пра гэта кіраўнік краіны заявіў на адмысловай нарадзе.
Кіраўнік Беларусі назваў нафтаперапрацоўку стратэгічнай галіною. Пры гэтым яе ўнёсак у эканоміку краіны зніжаецца. Больш за тое, у Беларусі нафтаперапрацоўка паступова становіцца стратнай. А ва ўсім свеце гэтая галіна дае высокія прыбыткі.
Прычыны стратнасці Лукашэнка знайшоў у падзенні цэнаў на нафту, а таксама ў дзейнасці ўрада.
![Топ-5: навіны 1 чэрвеня](/sites/default/files/paragraphs/image/matcz1.jpg)
У Гарадзеі футбольны матч рэкламуюць на хлебе.
На прадукцыі Нясвіжскага хлебазавода змясцілі інфармацыю пра матч чэмпіянату Беларусі "Гарадзея" — “Крумкачы”, які пройдзе 3 чэрвеня.
Футбольны клуб “Гарадзея” заклікае заўзятараў наведаць яго і паядынак дублёраў. Вядома, што было выпушчана 2 тысячы боханаў хлеба з такой рэкламай.